Nuus
Kry die nuus soos dit breek.
Geïsoleerde buie oor naweek in noordweste en kusgebiede
Onafhanklike meteoroloog Vilho Ndeunyema voorspel droë toestande oor sentraal- en suidelike Namibië, met geïsoleerde buie wat oor die naweek in die noordweste en langs dele van die kus verwag word. Reënval sal na verwagting teen Sondag ooswaarts versprei voordat dit Maandag afneem.
Wandile Sihlobo: SA se AGOA-uitsluiting nie katastrofies nie
Die presidensiële Landbou-gesant, Wandile Sihlobo, sê indien Suid-Afrika toegang tot die Wet op Groei en Geleenthede in Afrika sou verloor, dit uitdagings vir verskeie landboubedrywe sou skep, maar dit sal nie katastrofies wees nie. Die land was die grootste begunstigde van AGOA, waarkragtens deelnemende lande belastingvrye toegang tot die Amerikaanse…
Nekongo prys regering se ekonomiese bestuur
In sy bydrae tot die begrotingsdebat het SWAPO-parlementslid Ephraim Nekongo die regering geprys vir die bestuur van inflasie en die handhawing van 'n positiewe handelsbalans; hy het gesê dit weerspieël 'n duidelike verbintenis tot mense, produktiwiteit en fiskale omsigtigheid. Hy het gister die parlement toegespreek.
AfriForum dring aan op daadwerklike optrede teen plaasaanvalle
AfriForum doen 'n beroep op die regering om plaasaanvalle tot prioriteitsmisdaad te verklaar en 'n nasionale strategie in te stel om dit te voorkom. Die beroep volg op Woensdag se aanval op die Noordwes-boer Donovan Marx, wat op wrede wyse aangerand is. AfriForum se Jacques Broodryk sê die owerhede moet…
Namibië se ekonomie steeds onder druk ondanks groeivooruitsigte
Die Bank van Namibië waarsku dat bek-en-klouseer, hoër brandstofpryse en ’n groeiende handelstekort die land se ekonomiese herstel kan belemmer, ondanks ’n verwagte toename in ekonomiese groei. Die president van die BoN, Ebson Uanguta, sê Namibië se handelstekort het in die eerste agt maande van vanjaar tot 33,5 miljard Namibiese…
Vuurwapenopleiers vra optrede teen taxigeweld in SA
Die Suid-Afrikaanse Vereniging van Vuurwapenopleiers het die skietvoorvalle in die Wes-Kaap wat met taxi's verband hou veroordeel. Dit sluit in voorvalle in Somerset-Wes, Khayelitsha, Epping, Delft, Bonteheuwel en Maitland. Mike Mbedzi van die vereniging sê die veiligheid van pendelaars moet 'n prioriteit wees en geskille oor taxiroetes mag nooit tot…
NamRA verskerp fokus op alkohol- en tabakhandel
NamRA het met bedryfsleiers vergader om strenger nakoming van regulasies oor die handel in alkohol- en tabakprodukte te bespreek. Die hoof van doeane en aksyns, Wilbroad Poniso, sê sterker beheermaatreëls is noodsaaklik om staatsinkomste te verhoog en terselfdertyd ’n gelyke speelveld vir wettige plaaslike ondernemings te verseker.
WKOD prioritiseer leerderveiligheid te midde van taxigeweld
Die Wes-Kaapse Onderwysdepartement is bekommerd oor die impak van voortdurende taxigeweld op die veiligheid van leerders en onderwysers, sowel as op die Nasionale Senior Sertifikaat-eksamens. Die Departement het noodplanne in plek om moontlike ontwrigtings te hanteer en werk saam met die polisie en ander veiligheidsstrukture om leerders te help om…
Namibië vra meer befondsing vir vroue, vrede en veiligheid
Die regering doen ’n beroep op dringende en betroubare befondsing om wêreldwye verbintenisse oor vroue, vrede en veiligheid in konkrete aksie om te sit. Penda Naanda, Namibië se permanente verteenwoordiger by die Verenigde Nasies, het die VN-Veiligheidsraad toegespreek en gesê voorspelbare, volhoubare en buigsame finansiering is noodsaaklik. Namibië dring daarop…
Rubberduck-renne maak hul terugkeer by Oanobdam
Nagenoeg 11 rubberduck-bote neem môreoggend aan die Oanob Lake Grand Prix-reeks by die Oanobdam deel. Elke boot se span bestaan uit 'n stuurman en 'n navigator, wat voor in die boot sit en help om die boot te stuur. Die sport was eens baie gewild, maar het mettertyd veld verloor…
Nuwe vyfjaarraad vir Visverbruik-bevorderingstrust aangestel
Die ministerie van visserye het 'n nuwe raad vir die staatsbeheerde Namibiese Visverbruik-bevorderingstrust vir 'n termyn van vyf jaar aangestel. Die nuwe voorsitter, Lot Ndamanomhata, sê die planne sluit in die vestiging van drie nuwe gemeenskapsvismarkte in minderbevoorregte binnelandse gebiede om voedsel- en voedingsekerheid te verbeter.
87 000 studente se klas- en registrasiegeld beskerm onder hersiene begroting
Ongeveer 87 000 tersiêre studente het in 2026 staatsgesubsidieerde klas- en registrasiegelde ontvang. Volgens die adjunkminister van onderwys, Dino Ballotti, word dié befondsing ook onder die hersiene begroting beskerm. Hy het aangekondig dat die ministerie 150 miljoen Namibiese dollar verskuif het om sy ontwikkelings-begroting tot 738 miljoen dollar te verhoog…
Namibië kry byna N$1 miljard vir groenwaterstof- en klimaatprojekte
Die land staan op die punt om sowat een miljard Namibiese dollar aan klimaatfinansiering te ontvang om groenwaterstofprojekte en nywerheidsinisiatiewe wat koolstofvrystellings verminder, te bevorder. Dit volg nadat die Groen Klimaatfonds 'n befondsingspakket van 140 miljoen Amerikaanse dollar vir Suider-Afrika goedgekeur het. Jona Musheko, woordvoerder van die Namibië Groenwaterstofprogram, sê…
Mediese tariefverhoging onvoldoende, sê privaat sektor
Private gesondheidsorgverskaffers sê die verhoging in mediese fonds-maatstaftariewe doen min om die groeiende gaping tussen die koste van gesondheidsorg en die vergoeding wat mediese fondse bied, aan te spreek. Die Namibiese Vereniging van Mediese Hulpfondse, Namaf, het 'n gemiddelde verhoging van 4,6 persent in maatstaf-tariewe vir 2027 aangekondig. Dr. Jürgen…
WK-polisie gereed vir moontlike verkiesingsontwrigtings
Die Wes-Kaapse polisiekommissaris, Sizakhele Dyantyi, sê hulle is gereed om veiligheid te handhaaf en te reageer op enige ontwrigtings tydens Woensdag se munisipale verkiesing. Hy sê daar is 'n toegewyde bedryfsplan met afsonderlike ontplooiings om moontlike bedreigings die hoof te bied. Dyantyi sê die polisie sal nie beamptes van bestaande…
NNN wil Rusland-Afrika-samewerking vir water en landbou bevorder
President Netumbo Nandi-Ndaitwah het by die Rusland-Afrika-beraad in Moskou 'n beroep gedoen op die implementering van die 2013 Namib-verklaring, om Afrika se waterinfrastruktuurgaping en klimaatsveerkragtigheid aan te pak. Sy het, na aanleiding van 27 miljard Amerikaanse dollar in Rusland-Afrika-handel in 2025, gesamentlike ondernemings in landboutegnologie en waardetoevoeging aangespoor om werkskepping…
Die dag wat was, 29 Oktober 2026
Kry die nuus soos dit breek.
Haaie werk nog aan skrum, sê stut Du Toit
Rugby: Die Haaie-stut Thomas du Toit sê die span is vol vertroue voor Saterdag se Verenigde Rugbykampioenskaps-kragmeting met Munster in Limerick, Ierland. Die Durbanse span het sokkies opgetrek na hul nederlaag van 39-22 teen die Stormers en oorwinnings behaal oor Lyon in die Uitdaagbeker en Cardiff in die VRK. Die…
Integreer vroeë-kinderontwikkeling nóú in skole: IPC
Die IPC eis die volle implementering van Artikel 14 van die Wet op Basiese Onderwys, wat voorsiening maak vir die integrasie van vroeë-kinderontwikkeling in die onderwysstelsel. Die IPC se skadu-onderwysminister, Bertha Nghifikwa, het vanmiddag in die parlement aangedring op beleide en hulpbronne om jong kinders te ondersteun. Dit kom terwyl…
Fishrot-saak weer sonder toegewyde regter
Waarnemende regter Marelize du Plessis is nie meer by die Fishrot-saak betrokke nie. Die saak sal voortaan deur regters bestuur word wat deur die Regter-president aangestel is, totdat dit gereed is vir verhoor. Regter Eileen Rakow het in Oktober verrigtinge behartig en sal na verwagting op 11 November ’n tussentydse…