Kosmos 94.1 Nuus

Stad Windhoek waarsku teen boikot van munisipale betalings

Loading player...
Die Stad Windhoek maak sterk kapsie teen oproepe aan inwoners om munisipale betalings te boikot, en waarsku dat persone wat hieraan gehoor gee, reg-s-gevolge kan verwag. Die munisipaliteit beklemtoon dat betaling ’n wetlike plig is... en hou vol dat die opskorting van dienste ’n wettige krediet-beheermaatreël is wat daarop gemik is om uitstaande skuld van meer as 932-miljoen Namibiese dollar in te vorder. Woordvoerder Lydia Amutenya doen ’n beroep op inwoners om eerder betalings-reëlings met die munisipaliteit te tref.
8 Nov 11PM Afrikaans South Africa News

Other recent episodes

Kontrak geteken vir nuwe hospitaal in Windhoek

Die beplande Windhoek-distrikshospitaal in Havana is 'n stap nader aan verwesenliking ná die ondertekening van ’n kontrak van 174 miljoen Namibiese dollar, wat deur die Sentrale Verkrygingsraad gefasiliteer is. Die kontrak is toegeken aan Elderwood Trading CC in ’n gesamentlike onderneming met Shangsheng Construction. Die 12-maande-projek sluit grootmaatgrondwerke, ’n waterreservoir,…
14 Nov 6AM 1 min

Fokus op onafhanklike belastinghof in NV

Die parlement debatteer die Wysigingswetsontwerp op Inkomstebelasting, wat voorsiening maak vir ’n onafhanklike belastinghof onder die Hooggeregshof. Tydens die debat het Swapo-LP Werner Iita gesê dat die verwydering van ministeriële beheer sal help om agterstallige belastingsake af te handel en beleggersvertroue te versterk.
14 Nov 4AM 1 min

EU waarsku teen aflei-taktiek deur Rusland

Die hoof van buitelandse beleid by die Europese Unie, Kaja Kallas, het gewaarsku Rusland probeer om die aandag af te lei van sy aggressie teen Oekraïne deur die kwessie van Europese veiligheid te opper. Moskou dring aan Europa se breër veiligheidsargitektuur moet heronderhandel word as deel van enige vredesgesprekke. Ná…
14 Nov 3AM 1 min

Motorsport: Nasionale tydrenkampioenskap laat Swakop brul

Die enjins brul en die stof staan behoorlik op Swakopmund tydens die vyfde en laaste ronde van die nasionale tydrenkampioenskap. Die eerste motors het Vrydagaand om sesuur by Steckels Toyota weggespring, met drie van die elf sneltrajekte wat reeds afgehandel is. Die tydren strek oor net meer as 196 kilometer,…
14 Nov 2AM 1 min
All episodes