Namibia Daireis opgradeer melk-produksie toerusting

Namibia Dairies het 54,5 miljoen Namibiese dollar in nuwe toerusting belê om melkproduksie te verbeter. Die maatskappy het ’n moderne vul-lyn in gebruik geneem wat toerusting vervang wat reeds meer as 15 jaar in bedryf was. Die nuwe tegnologie kan tot 8 000 verpakkings per uur vul, terwyl dit na verwagting produksie sal versnel en verpakkings-vermorsing sal beperk. Ohlthaver & List se uitvoerende voorsitter, Sven Thieme, sê die belegging sal ook help om die beskikbaarheid van plaaslik vervaardigde langlewemelk te versterk.