Hamutenya: Namibië moet De Beers-geleentheid aangryp

Namibië moet die huidige afswaai in die wêreldwye diamantmark as 'n strategiese geleentheid beskou om 'n groter aandeel in die diamantreus De Beers te bekom. Dit is die mening van Namdia se voormalige besturende direkteur, Kennedy Hamutenya, wat deur Kosmos 94.1 Nuus om kommentaar genader is oor Botswana se planne om sy belang in De Beers te vergroot. Hamutenya sê Namibië kan nie agterbly terwyl Botswana en Angola hul posisie in die diamantbedryf versterk nie. Botswana se president, Duma Boko, het bevestig dat Namibië en Angola deelneem aan 'n beplande oorname van De Beers. Die Namibiese regering het egter nog nie sy deelname onafhanklik bevestig nie.