Kosmos 94.1 Nuus

Nigerië soek nouer samewerking met SA

Loading player...
Nigerië se aangewese hoof van sending in Suid-Afrika, Olufemi Adewumi Fani-Kayode, het sy land se verbintenis tot die versterking van bilaterale betrekkinge herbevestig. Fani-Kayode het sy geloofsbriewe aan president Cyril Ramaphosa in Tshwane oorhandig en die twee lande as geskiedkundige vriende en belangrike Afrika-vennote beskryf. Hy sê nouer samewerking tussen Afrika se twee grootste ekonomieë is noodsaaklik vir die vasteland se toekoms. Fani-Kayode het onderneem om gemeenskaplike kwessies aan te pak en diplomatieke en ekonomiese bande tussen Nigerië en Suid-Afrika verder te versterk.
15 Nov 2AM Afrikaans South Africa News

Other recent episodes

'Usakos-kleinsakepark moet tydelike broeikas vir ondernemings wees'

SMEs Compete-stigter Danny Meyer verwelkom die nuwe Usakos-kleinsakepark van 12,65 miljoen Namibiese dollar. Hy sê dat sulke fasiliteite tydelike broeikaste vir ondernemings moet wees, eerder as permanente goedkoop huurpersele. Hy sê dat entrepreneurs hul ondernemings moet kan uitbrei en uiteindelik hul eie persele moet kan koop. Hy maan owerhede ook…
15 Nov 1AM 1 min

BKS: Regering moet inspring, mense ly honger

Die uitvoerende hoof van die Namibiese Landbou-unie, Roelie Venter, het 'n dringende beroep op die regering gedoen om voedselhulpprogramme in landelike gemeenskappe in werking te stel wat deur die bek-en-klouseerkrisis geraak is. Hy waarsku dat talle huishoudings reeds voedseltekorte ervaar weens die langdurige ontwrigting van die veebedryf.
15 Nov 12AM 1 min

Klebsiella-infeksies eis 2 000 babas in SA

Die DA sê byna 80-persent van Klebsiella-infeksies in Johannesburg se akademiese hospitale is bestand teen verskeie antibiotika. Die party sê meer as 6 000 gevalle is vanjaar landswyd aangemeld, insluitend byna 2 000 onder pasgebore babas, terwyl die sterftesyfer onder besmette hospitaalpasiënte meer as 50-persent is. Michele Clarke van die…
14 Nov 11PM 1 min

Kontrak geteken vir nuwe hospitaal in Windhoek

Die beplande Windhoek-distrikshospitaal in Havana is 'n stap nader aan verwesenliking ná die ondertekening van ’n kontrak van 174 miljoen Namibiese dollar, wat deur die Sentrale Verkrygingsraad gefasiliteer is. Die kontrak is toegeken aan Elderwood Trading CC in ’n gesamentlike onderneming met Shangsheng Construction. Die 12-maande-projek sluit grootmaatgrondwerke, ’n waterreservoir,…
14 Nov 6AM 1 min

Fokus op onafhanklike belastinghof in NV

Die parlement debatteer die Wysigingswetsontwerp op Inkomstebelasting, wat voorsiening maak vir ’n onafhanklike belastinghof onder die Hooggeregshof. Tydens die debat het Swapo-LP Werner Iita gesê dat die verwydering van ministeriële beheer sal help om agterstallige belastingsake af te handel en beleggersvertroue te versterk.
14 Nov 4AM 1 min
All episodes