Bespreek vlugkaartjies vroeg vir laagste prys: kenner

Europa se grootste lugdienste waarsku dat stygende brandstofkoste as gevolg van die Midde-Oosterse konflik kaartjiepryse sal opstoot. Kosmos 94.1 Nuus het met die lugvaartkenner Linden Birns van Plane Talking gepraat wat sê dat met geen einde in sig vir die konflik nie, sal stralerbrandstof aanhou styg, wat lugdienste sal dwing om kostes na passasiers oor te dra. Stralerbrandstof is reeds meer as 94 persent hoër op 'n jaargrondslag. Birns sê passasiers moet vroegtydig bespreek en voeg egter by dat die konflik ook 'n geleentheid vir Namibië se toerismebedryf bied, veral vir reisigers wat warmer weer ver van Dubai en Katar soek.