Rehabilitasieprogramme vir gevangenes oortref teikens

Minister van Binnelandse Sake, Immigrasie, Veiligheid en Sekuriteit, Lucia Iipumbu, sê sy is tevrede met die vordering met rehabilitasie- en herintegrasieprogramme van die Namibiese Korrektiewe Diens. Sy het tydens die Diens se 10de gradeplegtigheid gesê 823 gevangenes het gedurende die eerste helfte van die 2026/2027-boekjaar by verskeie rehabilitasieprogramme ingeskryf. Iipumbu sê die voltooiingskoers van dié programme het 95,65 persent bereik, bo die Diens se teiken van 90 persent. Sy het ook gewys op ’n 100 persent voltooiingskoers vir gemeenskapsdiensbevele en 97,2 persent vir gemeenskapsgebaseerde toesigprogramme.