Maroela Media Operasie Umbra

Operasie Umbra

In ‘Operasie Umbra’ het direkteur Frans Ludik sy hande vol om vas te stel wat regtig destyds met die aftakeling van Suid-Afrika se kernwapenprogram gebeur het. Hy besef gou heelwat geheime uit die verlede is na die hede oorgedra. Dis of die kernsage van vroeër hom opnuut in Gansvlei afspeel. Geraamtes tuimel uit kaste. Umbra is nie verniet die donkerste deel van ʼn skaduwee nie.
Hierdie radiodrama is nou te koop by https://maroelawinkel.co.za/collections/frontpage/products/operasie-umbra

‘Operasie Umbra’ is ʼn spanningsvolle radiodrama uit die pen van Joe Kleinhans. Die verhaal van 120 episodes word deur Bettie Kemp, in samewerking met Maroela Media, vervaardig.
Afrikaans South Africa Drama
120 Episodes
40 – 60

Operasie Umbra – Episode 41

Agent Roux Koekemoer is op die oorlogspad ná die aanslag op Janine Koekemoer se lewe: “Die vuilgoed het iemand gestuur om haar van die gras af te maak.” Singapoer bly ʼn lelike kopseer omdat die agente nie weet wat alles daar gebeur het met Robert Rothman se drie besoeke aan…
Season 1 / Episode 41 8 min

Operasie Umbra – Episode 42

Karien Carstens versoek matrone Gerda Bruinders laat aand dringend per foon: “Kan jy met jou noodhulptas en inspuitingnaald vir my op die plaas kom kuier?” Gerda huiwer eers maar besluit om tog te gaan en kry die verrassing van haar lewe.
Season 1 / Episode 42 8 min

Operasie Umbra – Episode 43

Die skietery op Herman Saunders maak opslae en direkteur Frans Ludik is moeilik: “Ek sukkel om simpatie te hê met iemand wat sy probleme deur sy eie toedoen oor sy pad gebring het.” Sake loop skeef en Victor Gerwel se tweede nadoodse ondersoek sorg vir skokke.
Season 1 / Episode 43 7 min

Operasie Umbra – Episode 44

Malan van Wyk dink hy doen goed en vat alles wat uit Mollie Manders se laaie kom vir Francis Gerwel. Mollie se verdwyning het ʼn groeiende impak op meer as een inwoner van die dorp wat betrek word in die soektog na haar. Die skenking aan die Gansvlei Koöperasie is…
Season 1 / Episode 44 8 min

Operasie Umbra – Episode 45

Karien Carstens is vol planne maar Malan van Wyk is nie so opgewonde soos sy daaroor nie: “Ambisieus, maar planne se grootse probleem is fondse.” Malan se teenkanting laat Karien instinktief ʼn belangrike besluit neem – ʼn besluit wat haar lewe dramaties kan verander.
Season 1 / Episode 45 8 min

Operasie Umbra – Episode 46

Karien Carstens hoor nuus wat haar lewe ingrypend verander. Sy is vol planne maar Malan van Wyk staan steeds vierkant in haar pad: “Ek mag jou seker nie keer nie, maar jy moet weet ek sal jou projek teenstaan.” Iemand daag weer ongenooid by Karien se gastehuis op.
Season 1 / Episode 46 8 min

Operasie Umbra – Episode 47

Direkteur Frans Ludik hou kajuitraad met agent Gerda Bruinders oor die jongste verwikkelinge, onder meer die moord op Victor Gerwel: “Ek e-pos vir jou die nadoodse verslag. Dit was ʼn vernuftige moord.” En toe maak die 4 X 4 weer sy verskyning!
Season 1 / Episode 47 9 min

Operasie Umbra – Episode 48

Brand van Blerck is op die oorlogspad. Hy wil hof toe en sy prokureur moet hom help om dit reg te kry. Ten einde laaste daag ʼn deskundige by Gansvlei Ouetehuis op om ʼn bekommernis van Brand te besweer. Maar in plaas daarvan dat Brand gerus gestel word, kom iets…
Season 1 / Episode 48 8 min

Operasie Umbra – Episode 49

Karien raak bekommerd toe sy ʼn spesifieke kougomboksie op haar patio optel. Sy raadpleeg agent Roux Koekemoer: “Ek het dit ‘pure speurder’ in ʼn plastieksakkie gesit en saamgebring.” En dis nie die einde van Karien se bekommernisse nie. Haar eerste direksievergadering lê soos ʼn berg voor haar.
Season 1 / Episode 49 7 min

Operasie Umbra – Episode 50

Francis Gerwel en Brand van Blerck geniet ʼn lekker beplanningsessie oor rolstoelbewustheid wanneer sake op die dorp skielik handomkeer verander toe ʼn groot ongeluk die dorp tot stilstand ruk. Almal kom gee hand by die tragedie.
Season 1 / Episode 50 9 min

Operasie Umbra – Episode 51

Dis Karien Carstens se eerste direksievergadering. Malan van Wyk wag haar in en hy is bitsig: “Jy is die een wat met die wilde aantygings begin het. Jy het die oorlog begin. Jy het die wapens gekies.” Dit is ʼn vuurwarm vergadering… die uitkoms daarvan beïnvloed die lewens van Gansvlei…
Season 1 / Episode 51 8 min

Operasie Umbra – Episode 52

Karien Carstens wil ontplof. Sy loop agent Roux Koekemoer storm: “Ek dog ons het ons kaarte op die tafel gesit.” Roux word onkant gevang en moet vinnig die pad vat na direkteur Frans Ludik in Leliefontein. Hulle worstel met die vraag hoe professor Herman Saunders en Karel Carstens geld uit…
Season 1 / Episode 52 8 min

Operasie Umbra – Episode 53

Die brand maak opslae. Dit ontlok hewige spekulasie. Brand van Blerck kry besoek en hy word met vrae bestook. Matrone Gerda Bruinders kry ʼn brokkie inligting wat haar onkant vang toe agent Roux Koekemoer opmerk: “Ek het nie geweet jy is die sakeman Jimmy Bruinders se dogter nie.”
Season 1 / Episode 53 8 min

Operasie Umbra – Episode 54

Malan van Wyk bou nuwe brûe en hy is vasberade om alle onsmaaklikhede uit die weg te ruim. Hy vertel Francis Gerwel in baie duidelike taal: “Dis tyd vir hande vat.” Maar dinge verloop anders as wat hy voorsien het. Dit noodsaak hom om ʼn belangrike troefkaart te speel.
Season 1 / Episode 54 8 min

Operasie Umbra – Episode 55

Brand van Blerck is nie homself ná Malan van Wyk se besoek nie. Matrone Gerda Bruinders is bekommerd: “Jy was nie in die eetsaal nie. En jy het nie gevra ons moet vir jou kos kamer toe bring nie.” Iets is nie pluis nie want Brand weier om die spoggerigste…
Season 1 / Episode 55 8 min

Operasie Umbra – Episode 56

Karien Carstens kry ʼn onverwagte besoek en direkteur Frans Ludik en sy het ʼn gesprek wat sake omkrap toe hy sê: “Hoe seer dit ook al mag klink, lyk haar dood al hoe meer verdag. Dis ongelukkig ʼn moontlikheid wat ons ernstig bekyk.” Na wie verwys direkteur Ludik en hoekom…
Season 1 / Episode 56 8 min

Operasie Umbra – Episode 57

ʼn Jaagtog het dramatiese gevolge en dit laat direkteur Frans Ludik wroeg. Hoe is dit dan dat Matrone Gerda Bruinders meer by die hospitaal is as by die ouetehuis? Dis of die dag net aanhou en aanhou met ontstellende tydings.
Season 1 / Episode 57 8 min

Operasie Umbra – Episode 58

Agent Roux Koekemoer word deur Malan van Wyk by die vliegveld verras met ʼn belowende voorstel: “Maak ʼn afspraak en gaan kuier vir hom. Dit mag jou lewe verander.” Van wie praat Malan? Dit gons oor iemand wat beplan om Gansvlei te besoek. Maar nie almal is ewe opgewonde daaroor…
Season 1 / Episode 58 7 min

Operasie Umbra – Episode 59

Francis Gerwel is hoogs ontsteld oor ʼn sekere chauffeur se aanstelling. Projek Moria vorder fluks en aan skenkings ontbreek dit nie. Maar op Gansvlei is daar deesdae ʼn ding dat die voorspoedige verloop van ʼn saak, die inleiding tot die ongeluk is wat volg. Wat toe inderdaad gebeur.
Season 1 / Episode 59 8 min

Operasie Umbra – Episode 60

Die sekuriteitsman wat van diens gedros het toe Victor Gerwel vermoor is, bly sterk in die nuus en die middelpunt van die agente se belangstelling. Direkteur Frans Ludik maak geen geheim van sy standpunt nie: “Die man lyk op ʼn afstand na ʼn ongure karakter.” Toe lui ʼn selfoon…. en…
Season 1 / Episode 60 9 min
40 – 60